Newsreach Viral
National

കയ്യടി നേടി മാഥുര പോലീസ്;ഇത് താൻടാ പോലീസ്!

കയ്യടി നേടി മാഥുര പോലീസ്;ഇത് താൻടാ പോലീസ്! 38

കപ്പടാ മീശയും അലറി വിളിക്കുന്ന ശബ്ദവുമുള്ള ഒരു ഭീകരനാണ് ചിലർക്ക് പോലീസ്, മറ്റു ചിലർക്ക് സമൂഹത്തിൽ പേടിയോടെ കാണേണ്ട ഏക കൂട്ടരാണ് പോലീസ്. കുറച്ചുപേർക്ക് സാന്ത്വനം, ആശ്വാസവും നൽകിയവരുമാണ് പോലീസ്. പല നാടുകളിൽ പല വേഷങ്ങളിൽ ആണ് പോലീസ് എങ്കിലും കരുതലിന്റെ ഒരു പ്രതീകം കൂടിയാണ് പോലീസ് സേന. കൊറോണ വൈറസിന്റെ പശ്ചാത്തലത്തിൽ സ്വന്തം നാടായ ബിഹാറിലേക്ക് സഞ്ചരിക്കുകയായിരുന്ന ഒരു കുടുംബം കരുതലിന്റെ പോലീസ് എന്തെന്ന് ഈയടുത്ത് മനസ്സിലാക്കി.

ഉത്തരേന്ത്യയിൽ പ്രശസ്തമായ ഈ-റിക്ഷയിൽ കുടുബവുമൊത്ത് തന്റെ സ്വന്തം നാടായ ബിഹാറിലേക്ക് സഞ്ചരിക്കുകയായിരുന്നു വ്യക്തി. ഉത്തർ പ്രാദേശിലൂടെ സഞ്ചരിക്കുമ്പോൾ പക്ഷെ ബാറ്ററിയുടെ ചാർജ് തീർന്നു. ഗത്യന്തരമില്ലാതെ പുറത്തിറങ്ങി റിക്ഷ തള്ളാൻ ആരംഭിച്ചു കുടുംബം. ഒരു കുടുംബം ഈ രീതിയിൽ ദേശീയ പാതയിൽ കഷ്ടപ്പെടുന്നു എന്നറിഞ്ഞ മാഥുര പോലീസ് ഉടൻ പാഞ്ഞെത്തി. തങ്ങൾ എന്ത് തെറ്റ് ചെയ്തു എന്ന് പേടിച്ച കുടുംബത്തോട് സഹായിക്കാനെത്തിയതാണ് തങ്ങൾ എന്ന് പോലീസ് വ്യക്തമാക്കിയതോടെ രംഗം സന്തോഷം നിറഞ്ഞതായി. തൊട്ടടുത്ത ധാബയിലേക്ക്‌ (ഹൈവെയിലുള്ള ഭക്ഷണശാല) ചാർജ് തീർന്നുപോയ ഈ റിക്ഷയെ പോലീസിന്റെ വാഹനം കെട്ടിവലിച്ചു കൊണ്ടുവന്നു. തുടന്ന് ബാറ്ററി ചാർജ് ചെയ്യാൻ വച്ചു. ഈ സമയത്ത് ഈ റിക്ഷയിലുണ്ടായിരുന്ന സകലർക്കും ഭക്ഷണവും വാങ്ങി നല്കാൻ മാഥുര പോലീസ് മറന്നില്ല. ഓർക്കാപ്പുറത്ത് മനസ്സും വയറും നിറച്ച മാഥുര പൊലീസിന് നന്ദി പറഞ്ഞ ആ കുടുംബം തുടർന്ന് സ്വന്ത നാട് ലക്ഷ്യമാക്കി നീങ്ങി.

മാഥുര പോലീസ് തന്നെയാണ് മേല്പറഞ്ഞ സംഭവത്തിന്റെ ഒരു ഭാഗം വീഡിയോ എടുത്ത് സമൂഹ മാധ്യമങ്ങളിൽ പോസ്റ്റ് ചെയ്തത്. 26 സെക്കൻഡ് ദൈർഘ്യമുള്ള ഈ വീഡിയോയിൽ മാഥുര പോലീസിന്റെ കറുത്ത ടൊയോട്ട ഇന്നോവ പൈലറ്റ് വാഹനം ഈ റിക്ഷ കെട്ടിവലിക്കുന്നത് കാണാം. ശാരളം പേരാണ് മാഥുര പോലീസിന്റെ ഈ സത്യപ്രവർത്തിയെ പ്രകീർത്തിച്ച് സമൂഹ മാധ്യമങ്ങളിൽ അഭിപ്രായം രേഖപ്പെടുത്തുന്നത്. മഥുര പോലീസിന്റെ ഈ മാന്യമായ പവർത്തിയെക്കുറിച്ച് നിങ്ങളുടെ അഭിപ്രായം കമന്റ് ബോക്സിൽ രേഖപ്പെടുത്താൻ മറക്കല്ലേ!

 

 

સંબંધિત સમાચાર

एक टिप्पणी द्या